Seboreik dermatit dəridə qızarıqlıq və üzərində yağlı görünümlü, sarımtıl qabıqlanma ilə xarakterizə olunur. Burun çevrəsi, qaşlar, qulaq arxası, xarici qulaq keçəcəyi, saçlı dəri, gövdənin ön-üst hissəsi xəstəliyin ən çox yerləşdiyi bölgələrdir.

Müalicəsinə gəlincə öncəliklə xəstələrin bilməsi gərəkən xəstəliyin təkrarlayıcı olmasıdır. Xəstələr müalicədən fayda görür, ancaq günün birində simptomlar yenə ortaya çıxa bilər.

Salisilik asid, zink pirityon, qətranlı, selenyum sülfid tərkibli şampunlarla xəstəlikli nahiyənin yuyulması qabıqlanmanı azaldacaqdır. Şiddətli hallarda topikal steroidler 5-7 gün istifadə olunmalıdır. O cümlədən ketokonazol (antifungal) tərkibli şampunlar Malasseizia furfurun miqdarını azaldacaqdır. Kəskinləşmə dövrlərinin qarşısını almaq üçün bu şampun uzun müddət istifadə olunmalıdır. Üz lokalizasiyasında sulfasetamid tərkibli kremlər təkrarlamaları azaldır. 1%-li pimekrolimusun effektiv olduğu çalışmalar da var. Xəstələr dərini qıcıqlandıran alkoqollu məhlullardan, toniklərdən istifadə etməməlidirlər.

Topikal müalicəyə cavab verməyən xəstələrdə dermatoloq tərəfindən sistemik izotretionin, sistemik steroid və sistemik antifungal dərmanlar istifadə oluna bilər.

Dr. Lalə Mehdi
Tel: 050 444 33 76